Nuk kanë munguar ironitë e ish-kreut të Lëvizjes Socialiste për Integrim në daljen e sotme për mediat. Meta nuk i kurseu thumbat për zgjedhjet, marrëveshjen, pa harruar çadrën e opozitës që u hoq pas 90 ditësh qëndrim.
Nuk dihet konkretisht për çfarë e kishte fjalën, por Meta theksoi se këto zgjedhje do të kenë surpriza, përgjigje që ai e përforcoi edhe pasi u pyet për të dytën herë nga gazetarët lidhur me këtë koment të tij. Më tej, ai apeloi se duhet të jemi të gjithë të qetë, për t’i ndalur thumbat më pas tek çadra e opozitës, për të cilën tha se me heqjen e saj, bulevardi do të jetë i qetë dhe i hapur, sikundër Tirana edhe Shqipëria.
Ndër të tjera, ranë në sy: “Ka shumë alternativë, ka garë, ka demokraci, do të ketë surpriza”, “Demokracia është suprizë, zgjedhjet e lira janë suprizë”, “Për fat të mirë bulevardi është i qetë dhe i hapur, Shqipëria është e qetë, Tirana është e qetë”.
“Së pari dua t’iu siguroj se LSI është sjellë në mënyrën më të përgjegjshme për të parandaluar përshkallëzimin e kësaj krize. Ka qenë forca e parë për të krijuar një qeveri besimi, ka qenë e gatshme për ti dhënë të gjitha ministritë.
Nuk ka pasur asnjë arsye për t’u konsuluar me askënd nga LSI lidhur me këtë marrëveshje. Ka shumë alternative, ka garë ka demokraci, do të ketë supriza. Demokracia është suprizë, zgjedhjet e lira janë suprizë.
Dua të shpreh kënaqësinë time që sot jemi të gjithë më të qetë, dhe më të lehtësuar se dy ditë më parë kur demokracia ishte buzë greminës.
Zgjedhjet do t’i garantojnë të gjithë forcat politike që do të marrin pjesë në këtë proces. Do të donim që t’ia kishim kursyer vendit këtë situatë të pakëndëshme. Për fat të mirë bulevardi është i qetë dhe i hapur, demokracia ecën në bulevard. Shqipëria është e qetë, Tirana është e qetë.”, është shprehur Meta ndër të tjera.
(XH.A/SHUPLAKA)
