Drejtori i ALUIZNI-t Artan Lame ka reaguar një ditë pas marrëveshjes mes kryeministrit Edi Rama dhe kreut të opozitës Lulzim Basha, marrëveshje e cila parashikon largimin e tij nga posti.
Në një prononcim për Opinion.al, Lame është shprehur se emri i tij diskutohej në Partinë Socialiste, nëse ishte një njeri teknik dhe jo politik. Por sipas tij, u desh marrëveshja për ta kuptuar këtë.
“Kur emri im diskutohej në Partinë Socialiste, kishte gjithmonë nga ata që më konsideronin vetëm njeri teknik dhe jo politik. U desh marrëveshja Rama-Basha, që të kuptoja se isha njeri politik dhe jo teknik”, është shprehur Lame.
Një përgjigje mjaft ironike kjo pas vendimit për largimin e tij. Në marrëveshjen mes PS-së dhe PS-së, parashikohej zëvendësimi i drejtorëve jo vetëm të ALUIZNIT por edhe të 4 drejtorive të tjera si: OSHEE, Hipotekat, Burgjet dhe Agjencinë e Zhvillimit Bujqësor e Rural. (D.D/Shuplaka)
Discussion about this post