Mëngjesin e sotëm një 60-vjeçar është gjetur pa ndjenja dhe i braktisur në rrugë në Lezhë, e më konkretisht në kryqëzimin e Shën Nikollit.
Nuk dihet nëse 60-vjeçari ka qenë pa ndjenja për shkak të ndonjë shqetësimi shëndetësor, apo e ka shtypur ndonjë mjet dhe është larguar më pas nga vendngjarja.
Tashmë ai është dërguar në spital në gjendje të rëndë për jetën.
Policia dhe grupi hetimor kanë mbërritur në vendin e ngjarjes dhe po hetojnë për rrethanat e kësaj ngjarjeje. Ndërkohë që ende nuk është bërë identifikimi i plotë i personit. (E.K/SHUPLAKA)
