“Kosovës do i’a sjellim vizat pa i falë tokë askujt”, Haradinaj me premtime të mëdha para qytetarëve

Kryetari i Aleancës për Ardhmërinë e Kosovës, Ramush Haradinaj ka deklaruar para qytetarëve në  hapësirën e ndërmarrjes  “Osa Termosistem” në Rahovec,  se liberalizimi i vizave do të ndodhë pa qenë nevoja të falet toka e Kosovës.

Në Rahovec, qëndruan kandidati për kryeministër të Kosovës, Ramush Haradinaj , dhe partneri i tij, kryetari i Partisë Demokratike të Kosovës, Kadri Veseli. lideri i AAK-së pati si zotim se ditën pas fitores së koalicionit, PDK – AAK – Nisma, do të fillojë të punojë,  për të thënë “Bac u kry”, pasi me të në krye të qeverisë, gjërat do të ndryshojnë.

i nominuari për Kryeministër bëri një paralajmërim edhe për administratën që do të punojë me të. Ai deklaroi se ata që nuk bëjnë punën do të ikin në shtëpi, madje po të jetë nevoja e gjithë administrata do të shkarkohet, ka thënë Haradinaj.

Nga ana tjetër Kryetari I PDK-së Kadri Veseli duke sqaruar domethënien e sloganit “Fillimi I Ri”, u shpreh se “Fillimi I Ri” do të thotë zhvillim ekonomik, qeveri me vizion, guxim dhe krijimi i mundësive për të rinjtë tanë. (B.H/Shuplaka)