Presidenti I Klubit të Kukësit, Safet Gjici ka deklaruar për “Supersport” se ndeshja me Skëndërbeun ishte e rregullt. Për Gjicin gjyqtari ndeshjes nuk ishte vendimtar në fushën e lojës, madje gjyqtari Jorgji ka qenë ndër arbitrat më të pakontestuar nga Skëndërbeu, u shpreh Presidenti Kukësit. Sipas tij Kukësi e ka merituar plotësisht titullin sepse ka bërë një sezon fantastik duke mos humbur për 35 ndeshje.
“Kemi bërë mund dhe sakrificash prej 5 vitesh. Kukësi e meritonte të merrte titullin këtë vit. Ndeshja ishte Fair-Play në fushë.Kukësi bëri 35 javë pa humbje dhe shënuam një rekord të ri. Ishim të vetëm kundër të gjithëve. Fituam të vetëm kundër të gjithëve. Ka pasur nga ato media që kanë thënë edhe realitetin. Matematikisht e kemi marrë titullin sot, por titulli merret në Gjirokastër”, deklaroi Gjici.
Titullin, Presidenti ua ka ndikuar gjithë Kuksianëve kudo që ata ndodhen dhe ka premtuar që Kukësi do vazhdojë të ecë.
“Titullin ia dedikoj kuksianëve kudo që janë, për gjithë Europën kudo që janë. Unë i them që ju e meritoni këtë titull. Tashmë këtë titull kuksianët do ta gëzojnë. Patjetër do ta mbaj fjalën dhe nga tuneli deri në Kukës do të ecë në këmbë. Ekipi i Kukësit i ka dhënë ton kampionatit shqiptar”, është shprehur ai.
Në fund Gjici ka lavdëruar edhe ekipin e Skëndërbeut duke thënë se është një ekip mirë por ky është futbolli. Për Presidentin e Skëndërbeut, Takajn, ai tha se nuk doli fjala sepse ekipin e Kukësit nuk e lëshuan gjunjët, siç kishte thënë Presidenti Korçarëve.
“Kur po festoja golin e dytë, Ardjani nuk ishte fare aty. Duhej ta thërrisja aty për të festuar. Por, kështu është futbolli. Njëher festoj unë, gjashtë herë fiton ai. Skënderbeu ka një ekip të mirë, por fjalët nuk i dolën presidentit Takaj që unë kisha problem me gjunjët. Jorgji ka qenë një nga arbitrat të pakontestuar nga Skënderbeu. Mendoj se Jorgji nuk vendosi gjë sot”, ka përfunduar Presidenti i verilindorëve”. (B.H/Shuplaka)
Discussion about this post