Deputetja e Lëvizjes Socialiste për Integrim e ka nisur ditën e sotme me një deklaratë dashurie pa u kushtëzuar aspak nga moti. Siç vë edhe ajo vetë në dukje, moti nuk premton një ditë të bukur, por ajo ka yllin e saj që e zbukuron dhe ndriçon në ditët më të vështira.
Bëhet fjalë për bashkëshortin, Presidentin e ardhshëm të Republikës së Shqipërisë, i cili shfaqet krahas të shoqes, në foton që kjo e fundit ka ndarë me ndjekësit.
Monika Kryemadhi shkruan se pavatësisht përpjekjeve që në këtë kohë të lirë me familjen, të mos flitej për politikën, nuk kanë mundur t’i shmangen bisedës mbi fushatën, duke vënë sërish theksin tek LSI.
Shkrimi i Monika Kryemadhit:
Mirëmëngjes!
Moti nuk premton nje ditë të bukur, por unë e zbukurova me që më ndricon edhe në ditët e mia të vështira. Si për të dielë kalova pak më shumë kohë me familjen time, por dhe pse u perpoqëm nuk ja dolem dot të mos flasim për fushatën. Sepse motorrët e LSI për fushatën nuk kanë pushim as në fundjavë, as për festa, madje as pas fushate. Pikërisht për këtë do të jemi forcë e parë në këto zgjedhje, per t’i treguar të gjithëve se nuk jemi aktivë vetëm në fushatë, por gjatë gjithë kohës, pa pushim dhe lodhje për të qënë pranë problemeve dhe halleve tuaja. Sepse për ne familja është më e shtrenjte dhe më e rëndësishme se çdo politikë apo marrëveshje që bëhet në emër të saj. Ne jemi një familje me zemër të madhe, ku ka vend për të gjjthë ata që besojnë te vlerat. #LsiForceePare #FamiljaJoneeMadhe
(XH.A/SHUPLAKA)
