E zgjedhura e PD-së si Avokate e Popullit Erinda Ballanca, është një ndër avokatet më të lakuara në media për shkak se ka qenë prezente në disa prej proceseve gjyqësore më sensitive.
Një ndër këto procese gjyqësore është edhe ai mes ish-kryeministrit Sali Berisha dhe mamasë së kryeministrit Edi Rama, Aneta Rama. Ballanca ka qenë avokate mbrojtëse e Berishës.
Përveç Berishës, Ballanca ka mbrojtur në gjyq edhe kreun e opozitës Lulzim Basha, në kohën kur ky ishte ministër i Transporteve.
Një tjetër çështje shumë sensitive është edhe gjyqi për pronat e gjykatësit të vrarë Skerdilajd Konomi. Ballanca ka qenë avokatja e tij në procesin e zhvilluar në Gjykatën e Lartë nga Konomi.
Emri i ri i propozuar nga PD padyshim është një ndër avokatet më të zonjat në shqipëri, por për shkak të përfshirjes së saj në këto procese gjyqësore kur klientët e saj janë pikërisht dy liderët e PD-së, nuk dihet se si do ta presi pala e pozitës këtë propozim. (D.D/Shuplaka)
Discussion about this post