Real Madridi është shpallur kampion i Spanjës për sezonin 2016-2017, pasi mposhti Malagan me rezultatin 2:0 në xhiron e fundit në La Liga.
Ishte ylli i futbollit Cristiano Ronaldo, ai i cili në minutën e dytë shënoi golin e parë si edhe Karim Benzema që shënoi në minutën e 55’të duke siguruar kështu fitoren e padiskutueshme.
Kështu Real Madrid shpallet edhe njëherë kampion i Spanjës, pas pesë vitesh, pasi hera e fundit kur e fituan këtë çmim ishte në vitin 2012, nën udhëheqjen e Jose Mourinhos.
Mbrojtësi Sergio Ramos, në një dalje për mediat është shprehur se titulli është plotësisht i merituar dhe është gjithashtu edhe një shpërblim për vazhdimësinë e treguar gjatë sezonit.
“Është ndjenjë e mirë, është shpërblimi që morëm për kontinuitetin, që kaluam tërë sezonin pothuajse pa humbur asnjë ndeshje. Ky grup e meritoi të fitonte La Ligan. Vazhdimësia ishte çelësi, kemi luajtur çdo ndeshje sikur të ishte e fundit për ne, me përqëndrim dhe intensitet.
Ne u mbajtëm mirë kur na duhej, morëm tri pikët dhe është plotësisht e merituar edhe pse e arritëm të fitonim titullin në ndeshjen fundit. Kjo është liga më e fortë në botë dhe më e komplikuara, Sevilla ishte e fortë deri në fund, Atletico po ashtu, por ne ishim më të mirët”, deklaroi kapiteni i Realit. (D.D/Shuplaka)
Discussion about this post