Në pjesën e parë të seancës së sotme plenare, deputetët kanë miratuar ndryshimin e zv.kryeministrit dhe ministrave aktualë Peleshi, Manastirlliu, Xhafaj, Xhaçka, Ahmetaj, Nikolla dhe Vasili dhe zëvendësimin e tyre me zv.kryeministren dhe ministrat teknikë Mandia, Demiraj, Beqiri, Kërtushaj, Vukaj, Karabinaj dhe Bardhi.
Mirëpo shkarkimi i Vasilit duket se ka sjellë njëfarë përçarjeje mes deputetëve të LSI, pasi 10 deputetë votuan kundër këtij vendimi. Por vetë kreu i Kuvendit Ilir Meta, ka votuar pro shkarkimit të kreut të partisë së tij.
Megjithatë duhet pranuar se votimi i Metës mund të ketë qenë i tillë për t’i hapur rrugën zgjidhjes së krizës politike, për të cilën është shprehur gjithmonë i gatshëm të sakrifikojë.
Për shkarkimin e Petrit Vasilit, Kuvendi ka votuar me 102 vota pro, 10 kundër dhe 6 abstenim, ndërsa për zëvendësimin e tij me Gazmend Bardhin, Kuvendi ka votuar me 106 vota pro, 3 kundër dhe 5 abstenim.
(D.D/Shuplaka)
Discussion about this post