Kuvendi vendosi për shkarkimin e tij, por çfarë urdhri firmosi Xhafaj para largimit nga detyra

Ministria e punëve të Brendshme ka publikuar udhëzimet për listat e zgjedhjeve parlamentare të 25 qershorit.

Në njoftimin e ministrisë, thuhet që për zbatimin e këtij udhëzimi ngarkohet Drejtoria e Përgjithshme e Gjendjes Civile, përgjegjësit e zyrave të gjendjes civile në njësitë administrative, si dhe institucionet e tjera shtetërore që parashikohen në Kodin Zgjedhor.

Udhëzimi është firmosur nga ministri Fatmir Xhafaj, për të cilin Kuvendi vendosi për shkarkimin e tij nga detyra. Për shkarkimin e Ministrit të Brendshëm Fatmir Xhafaj, Kuvendi votoi me 101 vota pro, 5 kundër dhe 6 abstenim, ndërsa për emërimin e Dritan Demirajt në vend të Xhafajt, Kuvendi votoi me 107 vota pro, 4 kundër dhe 7 abstenim.

Sipas këtij vendimi, çdo zyrë e gjendjes civile në Bashki më datë 24 maj duhet të printojë nga regjistri kombëtar i gjendjes civile tre formatet e listave të zgjedhësve për çdo qendër votimit duke përfshirë edhe institucionet e posaçme nën juridiksionin territorial të saj. Ky udhëzim hyn në fuqi menjëherë dhe botohet në fletoren zyrtare. (D.D/Shuplaka)

[ngg_images source=”galleries” container_ids=”1870″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]