Presidenti i SHBA-ve Donald Trump të mërkurën do të shkojë në Vatikan për t’u takuar me Papa Françeskun.
Më para Trump ishte në Arabi Saudite dhe Izrael.
Vizita në Vatikan mësohet se do të jetë më e shkurtër, më pak zyrtare dhe më e vështirë.
Arabia Saudite i rezervoi një pritje madhështore presidentit amerikan, i cili zgjodhi qendrën e islamizmit si ndalesën e parë të udhëtimit të tij jashtë vendit. Në Izrael, ai vuri në kokë jarmulkën hebraike, kur preku Murin Perëndimor në Jeruzalem, raporton VOA.
Vizita në Vatikan, ndryshe nga vizitat në Lindjen e Mesme, lidhet më tepër me pajtimin. Gjatë fushatës presidenciale, Papa shtroi pyetjen në se plani për murin kufitar ishte në përputhje me vlerat kristiane.
Takimi në Vatikan është në plan të zgjasë për më pak se një orë. Pastaj Presidenti Trump shkon në Bruksel, për t’u takuar me udhëheqësit e NATO-s dhe më pas në Siçili, për takimin e G7-ës, ndalesa e fundit e udhëtimit të tij 9-ditor jashtë vendit. (M.D/Shuplaka)
Discussion about this post