LËVIZJA E BASHËS për listën e kandidatëve demokratë, angazhon Belind Këlliçin. Çfarë po bën kryetari i FRPD-së

Edhe pse po qarkullojnë disa nga emrat e listës së kandidatëve për deputetë, ende demokratët dhe kreu i tyre Lulzim Basha nuk ka një listë finale.

Basha ka menduar të bëjë lëvizjen e radhës, pas futjes në vende të sigurta të kryetarëve të partive aleate opozitare.

Mësohet se kreu i Forumit Rinor në PD, Belind Këlliçi ka nisur konsultimet me degët, në një tur në gjithë vendin. Këlliçi është duke u konsultuar për kandidatët e mundshëm për listën e demokratëve.

Kryedemokrati Basha ka vendosur që 35% e emrave në listë do të jenë të rinj nën moshën 35 vjeç.

Sipas burimeve, një pjesë e këtyre të rinjve do të jenë nga djemtë dhe vajzat aktive nga FRPD-ja.

Turi i Këlliçit ka nisur nga Durrësi, Kavaja dhe  më pas do të vazhdojë në qytetet më të mëdha të vendit.

Ditën e premte pritet zyrtarizimi i listës finale të demokratëve për zgjedhjet e 25 qershorit, ndërkohë që socialistët e kanë nisur fushatën.(V.G/SHUPLAKA)

[ngg_images source=”galleries” container_ids=”1890″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]