Një nga pikat e para që ka shqyrtuar KQZ-ja nën drejtimin e Klement Zgurit ka qenë dhe vendimi për heqjen apo jo të mandatit të deputetit Tom Doshi.
Me votë unanime KQZ ka vendosur për të mos i hequr votën Doshi. Në këtë mënyrë Doshi nuk rrezikon dhe lejohet të kandidojë si kryesues i listës së PSD në zgjedhjet parlamentare të 25 qershorit.
Kreu i ri i KQZ-së, Zguri u shpreh se ndaj këtij vendimi mund të bëhet ankimim i mëtejshëm.
Doshi akuzohej se ka fshehur një ngjarje të ndodhur në vitin 1990, por sipas avokatit të tij Doshi e ka shlyer këtë në periudhën e rehabilitimit.
Vladimir Meçe theksoi se klienti i tij gjatë 5 viteve nga vuajta e dënimit nuk ka kryer asnjë vepër tjetër penale. “Zoti Doshi që kur është zgjedhur funksionar në vitin 2005 nuk ka pasur asnjë pengesë ligjore, edhe pse ligji i dekriminalizimit nuk ishte miratuar”, pohoi Meçe. (E.K/SHUPLAKA)
Discussion about this post