Gjykata e Lartë ka gjetur fajtor kreun e Grupit Parlamentar të PD-së për shpifje ndaj Saimir Tahirit. Ajo e ka denuar Palokën me 500 mijë lekë gjobë. Kujtojmë se çështja është shtyrë disa herë deri sa ka arritur sot në kët vendim final.
Për këtë ka reaguar edhe kryeministri Edi Rama i cili shprehet se Vettingu po vjen. “Një lajm i mirë ndëshkimi i radhës nga Gjykata e Lartë për shpifësin profesionist të PD. Por s’kemi parë gjë akoma, po vjen Vetingu”, shkruan Rama.
Më 23 Janar 2015 nga Selia e Partisë Demokratike kreu i grupit parlamentar të kësaj force do të akuzonte ministrin e brendshëm për lidhje me krimin dhe bandat, ndërsa po atë ditë Tahiri depozitoi dhe padinë për shpifje ndaj Palokës.
Kjo seancë është shtyrë disa raste, herë për mungesë të relatorëve të çështjes dhe herë për mungesë të deputetëve.
Fillimisht gjykimi i kësaj padi u pezullua dhe u dërgua për kompetencë në gjykatën Kushtetuese e cila vendosi të vazhdonte procesi në gjykatë të Lartë.
Ky është dënimi i dytë ndaj Palokës i cili më parë është dënuar po nga gjykata e Lartë me gjobë pasi u gjet fajtor për shpifje ndaj kryeministrit Edi Rama. (J.V/Shuplaka)
Discussion about this post