Kreu i Kuvendit dhe Presidenti i ardhshëm i Shqipërisë Ilir Meta, ka folur për herë të parë publikisht për votimet e ministrave teknikë.
I ftuar në emisionin “Studio e Hapur” e gazetares Eni Vasili, Meta ka sqaruar arsyet se pse ka votuar kundër shkarkimit të ministrit të Financave Arben Ahmetaj dhe zëvendësimin e tij me Helga Vukajn.
“Mendoj se ndërrimi i ministrit të Financave nuk ishte bindës, duke patur parasysh çështje të tjera që kanë të bëjnë me stabilitetin ekonomik.
Besoj se kemi qenë të qartë, ishin dakord për ndërrimin e disa ministrave të qeverisë, por ishte i pari ministri i brendshëm pavarësisht kush ishte ai porn ë këtë situatë për t’i ofruar siguri opozitës. I dyti ai i drejtësisë, është mëse normale dhe disa ministra të tjerë sipas shqetësimit të opozitës. Por Ahmetaj për mua ishte qëendrim personal.”, ka sqaruar Meta.
Kujtojmë se për shkarkimin e Arben Ahmetajt si ministër Financash, Kuvendi ka votuar më 22 maj me 107 vota pro, 3 kundër dhe 5 abstenim. Ndërsa për emërimin e Helga Vukajt, Kuvendi votoi me 116 vota pro, 2 kundër dhe 3 abstenim. (D.D/Shuplaka)
