Ditën e djeshme në prangat e policisë së beratit ka rënë Yzedin Hajdari 59-vjeç, me profesion mësues dhe prej disa vitesh nën drejtimin e gjimnazit më të madh të qytetit ‘’Babë Dudë Karbunara’’.
Arrestimi i tij është bërë pas akuzave të dy prej nxënëseve të kësaj shkolle se janë ngacmuar seksualisht në zyrën e tij.
Hajdari është një nga mësuesit më të njohur në qytet dhe në nivel drejtues, dhe kjo ngjarje ka tronditur jo pak kolegët por edhe nxënësit e tij.
Njoftimi i Policisë:
Më datë 24.05.2017, nga Seksioni për Krimet, u bë ndalimi i shtetasit:
Y.H 59 vjeç, banues në Berat, me detyrë drejtor i një shkolle të mesme, pasi dyshohet se në zyrën e tij ka ngacmuar seksualisht 2 nxënëse të shkollës.
Materialet i kaluan Prokurorisë së Rrethit Gjyqësor Berat, për veprat penale ‘’Ngacmim seksual’’ dhe ‘’Shpërdorim i detyrës’’, parashikuar nga nenet 108/a/2 dhe 248 të Kodit Penal. (E.K/SHUPLAKA)
