Të gjithë shqiptarët e interesuar për të udhëtuar drejt Shteteve të Bashkuara të Amerikës, të cilët planifikojnë pushime apo do aplikojnë për vizë, tashmë do të hasin një procedurë më të thjeshtëzuar.
Ambasada e SHBA-ve bën me dije për gjithë të interesuarit se gjithçka që nevojitet për intervistë janë tashmë pasaporta dhe fleta e konfirmimit të formularit DS-160.
“Po planifikoni pushimet në SHBA? Po aplikoni për vizë? Ju nuk keni nevojë të paraqitni një garanci në intervistën tuaj për vizë turistike! Pasaporta juaj dhe fleta e konfirmimit të formularit DS-160 janë gjithçka na nevojitet në intervistën tuaj.
Kini parasysh që vendimet nuk bazohen tek dokumentet; bazuar në intervistën tuaj, oficeri konsullor do të vendosë nëse ju kualifikoheni për vizën. Si zakonisht, do t’u përgjigjem me kënaqësi pyetjeve tuaja mbi vizat sot dhe gjatë javës!”, shkruan ambasada.
(XH.A/SHUPLAKA)
Discussion about this post