Maksim Kona do të jetë kandidati i LSI për Bashkinë e Kavajës në zgjedhjet e pjesshme të 25 qershorit. Emri i tij është dërguar nga LSI për regjistrim në Komisionin Qendror të Zgjedhjeve.
59-vjeçari Maksim Kona ka studiuar për inxhinieri në Itali dhe gjithë këto vite e ka ushtruar profesionin mes Shqipërisë dhe Italisë.
Maksim Kona ka folur pas këtij vendim duke thënë se synimi i tij është të kontribuojë për qytetin e Kavajës.
“Synimi im është të kontribuoj për qytetin ku u linda dhe u rrita, përtej logove politike. Dua që të bëjmë dhe të zhvillojmë sa më shumë projekte për Kavajën. Në gjithë këto vite jeta ime dhe karriera profesionale është ndarë mes Italisë dhe Kavajës, ku në çdo moment kur kam mundur kam kontribuuar për qytetin tim”, -tha Kona, shkruan BË.
Më herët LSI kishte deklaruar se ajo nuk do të merrte pjesë në zgjedhjet e Kavajës.
(M.D/Shuplaka)
Discussion about this post