Tirana dhe Vllaznia do të përballen nesër në një ndeshje që do të vendos se kush nga të dyja do të rrëzohet nga Kategoria.
Dy skuadra me shumë histori dhe traditë, e njëra prej tyre matëmatikisht nesër nuk do të jetë më në Superligë.
Shkodranët kanë hapur portat e stadiumit për ndeshjen dhe kanë bërë thirrje që prezenca e tifozëve të jetë maksikmale, në mënyrë që ti vijnë në ndihmë skuadrës. Nga ana tjetër lojtari i Vllaznisë Elis Bakaj ka vendosur që në këtë ndeshje të mos luajë.
Shkak për këtë është bërë padyshim vitet që ka kaluar te kryeqytetasit e Tiranës. Po në një intervistë për ‘’Top Channel’’, kryebashkiakja e Shkodrës Voltana Ademi dhe njëkohësisht Presidentja e Vllaznisë është shprehur se këto mund të ndodhin vetëm në Shqipëri.
Po ashtu ajo ka sqaruar se ekipi po vijon me përgatitjet dhe nuk ka ndërmend të japë ndonjë deklaratë për mediat.
Për çështjen Bakaj
“Është e papranueshme ajo që ka ndodhur. Nuk e imagjinoj dot. Por ne kemi besim te shkodranët. Ajo ishte një histori shqiptare, që një lojtar dezerton në momentin e fundit”
Për sfidën ndaj Tiranës
“Kam folur me stafin teknik, ata ndodhen në Ulqin për fazën përgatitore dhe të fokusuar në ndeshjen e radhës. Duke parë rëndësinë, ata nuk munden të komunikojnë me mediat. Po punohet shumë që të dalin me sukses në këtë përballje, edhe pse të vjen keq kur sheh që luajnë dy skuadra, si Vllaznia dhe Tirana, për mbijetesë”
Akuzat dhe neglizhenca e skuadrës
“Unë nuk mund të akuzoj, por në disa raste bashkohem me Armandon Cungun. Ka pasur ndeshje, si ajo me Korabin, ku skuadra ka neglizhuar dhe nuk është përgjigjur si duhet”. (E.K/SHUPLAKA)
Discussion about this post