Partia Socialiste do të garojë për kreun e ri të Bashkisë së Kavajës me një kandidat të ri. Nuk do të jetë Klodian Shehi kandidati që pëfaqëson Partinë Socialiste në Kavajë, ashtu siç ishte përcaktuar për zgjedhjet e 7 majit, të cilat nuk u zhvilluan. Partia Socialiste do të kandidojë Dorian Muratin, drejtor i OSHEE në Kavajë për kreun e kësaj bashkie. Po kështu Murati më herët ka qenë drejton i ALUIZNI-t në këtë qytet.
Sjellim në vëmendje që Partia Demokratike do të përfaqësohet nga Isa Sakja, i cili aktualisht mban postin e kryetarit të degë së PD në Kavajë. Lëvizja Socialiste për Integrim do të përfaqësohet nga Maksim Kona, doktor i shkencave inxhinierike.
Zgjedhjet për kreun e ri të kësaj Bashkie do të zhvillohen më 25 qershor, në të njëjtën ditë kur do të mbahen edhe zgjedhjet e përgjithshme. (J.V/Shuplaka)
Discussion about this post