I gjithë atentati në Vlorë në 2 minuta, Roland Saliu u qëllua i pari nga plumbat

Detaje të tjera bëhen të ditura lidhur me atentatin e shënuar në Vlorë pak ditë më parë, ku mbetën të vrarë drejtori i OSHEE-së, Roland Saliu dhe biznesmeni Mirvjen Hyseni.

Mësohet se i gjithë krimi është kryer në harkun kohor të dy minutave dhe Roland Saliu ka qenë i pari që është prekur nga plumbat, ndërsa viktima tjetër, biznesmeni, raportohet të jetë qëlluar me 5 plumba.

Në momentin e atentatit, dy viktimat ishin duke pirë kafe, ku drejtori i OSHEE-së ndodhej në shoqërinë e një personi tjetër, i cili u largua për të parkuar në momentin e atentatit.

Burime të policisë bëjnë të ditur se po hetohet çdo psitë për shkak të detyrës që mbante Roland Saliu.

(XH.A/SHUPLAKA)