Kryeministri Edi Rama ka ndarë pak minuta më parë me ndjekësit dhjetëra fotografi nga aktiviteti i zhvilluar në kuadër të Samitit të NATO-s që mblodhi shtetet anëtare, ku Rama shkruan se u ritheksua uniteti dhe vendosmëria transatlantike për strategjinë e përbashkët të luftës kundër terrorizimit.
Në to bien në sy liderët e botës krahas Ramës, fotot me Presidentin më të ri të Francës, Emmanuel Macron; ato me kryeministrin grek Alexis Tsipras ku kreu i Qeverisë shqiptare shfaqet duke biseduar; me kryeministrin homoseksual të Luksemburgut, Xavier Bettel dhe ato me kryeministrin kanadez, Justin Trudeau, foto me delegacionin shqiptar që e shoqëron, ndër ta ministri i Jashtëm Bushati dhe ministrja e Mbrojtjes Kodheli.
Ndër rreth 40 fotografi, bie në sy edhe fotot ku është i pranishëm Presidenti i SHBA-ve, Donald Trump, ku në njërën prej tyre Rama shfaqet duke ecur pas tij. Fotot që tërheqin më tepër vëmendje janë ato të momenteve miqësore të Ramës me kryeministrin e Luksemburgut dhe me Presidentin e Turqisë, Recep Tayyip Erdogan ku shfaqen me një shtrëngim duarsh. Ndërkaq nuk vihet re ndonjë foto e kryeministrit me kancelaren gjermane Angela Merkel.
(XH.A/SHUPLAKA)
[ngg_images source=”galleries” container_ids=”1943″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post