Të jesh një këngëtar i mirë nuk do të thotë medoemos që të kesh marrëdhënie shumë të mira dhe me shkollën.
Gramoz Aliu i njohur si Mozzik, është njëri ndër reperët më të dashur për publikun shqiptar, i cili ka hyrë fuqishëm në tregun tonë muzikor duke pasur sukses me secilën këngë që sjellë.
Ai së fundmi ka qenë i ftuar në intervistën e gjatë të emisionit Express Rozë, ku ndër të tjera reperi ka folur për vështirësitë që ka hasur në jetën e tij, duke treguar kështu që e ka të mbaruar vetëm shkollën fillore.
Në një lidhje në ‘’skype’’ ish-mësuesja e tij është shprehur se Moziku ka qenë një fëmijë shumë i zgjuar, por nga ana tjetër dhe i llastuar. Ajo thotë se në klasat e larta mësuesit kanë vendosur që ta largojnë nga shkolla.
‘’Skam mund me përjetu as maturë, as shëtitje asgjë. Ma kanë ndërru shkollën dhe mësuesja ime më ka mbrojtur gjithnjë. Kam qenë një nxënës që kam mësuar po besoj që e kam tepruar me të folmen. Kam lexu shumë po më kanë përjashtu për shkak të mungesave. Kam qenë skizofren për muzikën. E gënjeja familjen dhe shkoja në studio’’, është shprehur ndër të tjera Mozzik.
Ai thotë se pas largimit nga shkolla e parë e kanë çuar të studiojë te shkolla e të atit të tij, duke treguar se prindërit ndihen krenar për të. (E.K/SHUPLAKA)
