Lajmi i ndarjes nga jeta të Gjovalin Kadelit tronditi jo pak miq, të afërm, familjarë dhe këdo që e njihte. Sot trupi i tij ka mbërritur nga Italia drejt portit të Durrësit.
Mes personave dhe miqve që e pritën në Durrës ishte dhe kreu i Kuvendit Meta. ‘’Një ngjarje të trishtuar’’, këto ishin fjalët e pakta të kryeparlamentarit në lidhje me ngjarjen.
Mësohet se varrimi i Kadelit do të bëhet nesër në orën 12:00 në Manati të Lezhës. Ceremonia zyrtare e organizuar nga Kuvendi i Shqipërisë do të mbahet nesër në orën 11:30 tek varrezat.
Gjovalin Kadeli ndërroi jetë në një nga spitalet e specializuara të Italisë pas disa ndërhyrjeve kirurgjikale, si pasojë e një sëmundje të rëndë.
Kadeli ishte deputet i Kuvendit të Shqipërisë për dy legjislatura, si dhe anëtar i Komisionit të Ekonomisë dhe Financave. (E.K/SHUPLAKA)
Discussion about this post