Rrëzimi i Tiranës nga kategoria ka indinjuar shumë nga mbështetësit e saj po dhe ndjekësit e futbollit. Duhët thënë se kjo është hera e parë që nga nisja e historisë së saj futbollistike që Tirana bie një kategori më poshtë.
Në reagimin e tij të parë trajneri Shkëlqim Muça ka shprehur keqardhje për këtë po ka vijuar se jeta vazhdon pavarësisht rezultateve.
Në një intervistë për një të përditshme sportive ai është shprehur se nuk është momenti për të gjtur fajtorët.
EMOCIONET
I pyetur se çfarë ka ndjerë pasi ka përfunduar ndeshja me Vllazninë, Muça ka deklaruar: “Keqardhje! Ndjeva keqardhje, por jeta vazhdon…”.
SHKAKU
Shkëlqim Muça nuk është ndalur për të gjetur fajtorë dhe shkaktarë të kësaj situate, por në fjalën e tij ka treguar se suksesi dhe dështimi ndahet me të gjithë në një ekip.
“Nuk është momenti që të ndalesh e të thuash se kush e solli. Megjithatë, kur fitohet një ndeshje apo edhe një trofe, meritat i kanë të gjithë. Që nga lojtarët, stafi, drejtuesit dhe të gjithë që janë pjesë e klubit. Edhe në këtë rast, të tillë janë fajtorët”, ka deklaruar Muça.
Ndërkohë, ai ka treguar se nuk e kishte menduar ndonjëherë këtë situatë: “Në fillim të dy fazave të fundit po vija re se janë në vështirësi, por nuk e kam çuar nëpër mend se do të shkonin deri në këtë pikë”. (E.K/SHUPLAKA)
Discussion about this post