Policët rrugorë ndalojnë shoferin, e shajnë me fjalor rruge (VIDEO)

“Nisma Thurje” ka publikuar një video në rrjetet sociale  ku denoncon rastin kur dy policë rrugorë ofendojnë pa shkak dy qytetarë në makinë.

Sipas postimit të bërë në rrjetet sociale, dy policët i bllokojnë rrugën shoferit në fjalë me një mercedez gri me targa civile dhe dalin duke bërtitur e sharë se ju kishin zënë rrugën duke ecur ngadalë.

Në video, dëgjohen ofendimet që i bëjnë policët dy qytetarëve, ndërkohë që këta të fundit përpiqen t’i qetësojnë duke u sjellë në mënyrë korrekte.

“O b*****, të *i motrën, mos e bëj më atë gafë,” dëgjohet teksa fyen një nga uniformat blu.
“Po mirë o zotëri, të drejtë ke, por jo me kështu fjalësh,” thotë shoferi i mjetit. (S.SH/Shuplaka)