Pastrohet dhe krihet plazhi i Shëngjinit, Korpusi i Vullnetarëve: E ndotin turistët dhe vizitorët (FOTOT)

Plazhi i Shëngjinit i është nënshtruar pastrimit dhe krehjes në thellësi me qëllim mbajtjen pastër të këtij plazhi gjatë sezonit veror.

Aksioni u ndërmor nga Korpusi i Vullnetarëve në bashkëpunim me Ministrinë e Turizmit, aksion që përfshin veç pastrimit edhe monitorimin e plazheve për t’i klasifikuar sipas cilësisë së higjenës publike.

Pastrimi i zonave turistike do të vazhdojë edhe në javët e ardhshme.

“Si destinacion turistik, Shëngjini është i frekuentuar, jo vetëm nga banorët e zonave përreth, por edhe nga ato Kosova. Ky plazh me rërë kurative, për fat të keq ndotet nga turistët dhe vizitorët. Shëngjini është ndër ato plazhe ku bashkia ka investuar për ndërtimin e infrastrukturës, duke vendosur kazanë në cdo 50 metra gjatësi, por shumë pushues preferojë ti hedhin mbeturinat në mjedis public dhe jo në kosha. 
Dhjetra pushues ndoqën aksionin, por nuk iu bashkuan thirrjes për të pastruar bashkë me vullnetarët. Gjithësesi ata pranuan qeset, në të cilat premtuan se do të hedhin mbeturinat para se të largohen nga plazhi.”, bën me dije Korpusi i Vullnetarëve duke u ndalur tek situata në plazjin e Shëngjinit.

(XH.A/SHUPLAKA)

[ngg_images source=”galleries” container_ids=”1970″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]