Më shumë se 140 persona të lënduar, disa prej tyre gjenden ende të shtruar në Spiatlin Francez në Tiranë dhe Policia e Shetit e klasifikon ngjarjen e së shtunës si ‘’vepër penale kundër mjedisit’’. Pasi ka reaguar me 24 orë vonesë në njoftimin e Policisë thuhet:
Më datë 27.05.2015, nga ora 19:00, deri në orën 20:30, në Bulevardin “Dëshmorët e Kombit”, subjekti politik Partia Demokratike e Shqipërisë, ka filluar aktivitetin elektoral të “Zgjedhjeve Parlamentare 2017”, rreth dy orë pas mbarimit të aktivitetit, disa pjesëmarrës kanë patur skuqje të syve, fytyrës dhe qafës, të cilët pasi kanë marrë ndihmën mjekësore në spitalin Francez pranë Q.S.U.T., janë larguar për në banesë. Punohet për përcaktimin e shkakut të ndotjes së ajrit dhe identifikimin e kapjen e autorëve përgjegjës. Parashikuar nga Neni 201 i Kodit Penal.
Duke iu referuar këtij neni të Kodit Penal ai shihet të jetë në seksionin e veprave penale kundër mjedisit. Në rastin konkret pavarësisht se helmimi dyshohet të jetë bërë përmes ajrit është fakt tashmë se dëmet në njerëz janë mjaft të mëdha.
Neni 201:
Ndotja e ajrit përmes çlirimit të tymrave, gazrave dhe lëndëve të tjera toksike radioaktive e bërë tej kufirit të normave të lejuara, kur vepra nuk përbën kundërvajtje administrative, përbën kundërvajtje penale dhe dënohet me gjobë ose me burgim gjer në dy vjet. Po kjo vepër, kur ka shkaktuar pasoja të rënda për jetën e shëndetin e njerëzve, dënohet me burgim gjer në dhjetë vjet.
Pavarësisht se situata është shumë e panjohur për vendin tonë, duhet që autoritetet në këto raste të jenë sa më të qartë në deklarimet e tyre, pasi paniku që është përhapur në rradhët e qytetarëve është shumë i lartë. (E.K/SHUPLAKA)
