Vasili takim me kreun e misionit të OSBE-së: Zgjedhjet të zhvillohen në një klimë të qetë

Kryetari i Lëvizjes Socialiste për Integrim, Petrit Vasili priti së fundi në takim kreun e Misionit të Vëzhgimit të Zgjedhjeve të OSBE/ODIHR-it, Peter Tejler, me të cilin diskutoi lidhur me zgjedhjet e 25 qershorit.

Në fjalën e tij, Vasili theksoi se këto zgjedhje duhet të zhvillohen në një klimë sa më të qetë dhe se fushata zgjedhore duhet të përqendrohet te gara mes programeve të partive si dhe rritja e besimit te Parlamenti i ardhshëm:

“Lëvizja Socialiste për Integrim ka promovuar në listat e saj për deputetë të rinjtë dhe gratë, duke i dhënë një moral dhe cilësi Parlamentit të ardhshëm.”

(XH.A/SHUPLAKA)