Analisti Andi Bushati, i ftuar në emisionin “Të Paekspozuarit” të gazetarit Ylli Rakipi, ka komentuar listat e kandidatëve për deputetë të Partisë Demokratike.
Sipas Bushatit, Basha do të paguajë një çmim të lartë në zgjedhje dhe do të pësojë një humbje katastrofale. Kjo për shkak se lista është shumë e keqe, sipas analistit.
“Nëse do isha i aftë të kuptoja pyetjen s’do isha kritik mbi Bashën. Unë jam i paaftë kuptoj kriterin mbi të cilin është ngritur kjo listë. I surprizuar nuk jam, se që kur mbylli çadrën, shkoi iu në gjunjë Ramës. Kishte një mundësi të dytë, pas një qeverisje neveritëse si kjo e Ramës, ai në 4 muaj kishte mundësinë për fytyra të reja.
Por hapi i tretë, ishte lista që la jashtë emrat e njohur. Për mua lista është shumë e keqe. Shkon PS-ja apo PD-ja, nuk shkon asnjë familje në zgjedhje. Shkon një trupë prej 600 mijë vetash. Nuk e kuptoj kriterin e kësaj liste. Se po të shohësh listësh janë hequr një pjesë e themeluesve, janë hequr një pjesë e mirë e atyre që simbolizojnë “qëndrestarët” tek PD, janë hequr emra të rëndësishme të qëverisjes 8 vjeçare të Berishës. Kemi një ndarje me thikë të asaj që përfaqëson Berishizmi në këto 25 vite.
Të ndahesh nga gjithë këta njerëz, dhe të mbash doktorin në krye të sofrës, është absurditet. Lista bëhet me proces, mbi platformë, konsultime me anëtarësinë, a doni një faqe të re nga ajo që përfaqësonte Berisha, këto gjëra nuk zgjidhen me kulisa. Për mua lista Basha është një listë për të qëruar ata të cilët do i kërkojnë llogari Bashës kur të humbë në mënyrë katastrofale. Basha do paguajë një çmim të lartë në zgjedhje,” tha Bushati. (D.D/Shuplaka)
Discussion about this post