Analisti Robert Rakipllari, i ftuar në emisionin “Të Paekspozuarit” të gazetarit Ylli Rakipi, ka komentuar situatën në Partinë Demokratike, pas shpalljes së listës së kandidatëve për deputetë.
Listë nga e cila janë përjashtuar emra të tillë si Majlinda bregu, Jozefina Topalli dhe Ridvan Bode.
“Mua më rezulton se Sali Berisha nuk është se ska patur dijeni për listën, ai e ka miratuar. Nuk besoj se është mbrapa tyre, Topallit, Imamit, ata janë bashkëpunëtorët e Sali Berishës, janë pjesë e ekipit të tij humbës. Tjetër lloj transparence, por faktet janë fakte.
Topalli ishte drejtuese qarku në Shkokër në 2013, Arben Imami në Elbasan, si edhe Ridvan Bode në Korçë. Tre nga qarqet e humbjes më spektakolare të PD-së në 2013-ën dhe Lulzim Basha, nuk mund t’i propozonte shqiptarëve ekipin humbës.
Arben Imami s’ka ça japë më në politikë. Shokët e tij kanë dalë në pension. Ridvan Bode s’ka ça japë më në politikë.
Topalli, Imami dhe të tjerët që mungojnë, po kërkojnë që të kenë poste, të kenë karrige.”, deklaroi Rakipplari.
Ndërkohë ai i cilësoi Imamin, Topallin dhe Boden, si symbol i humbësve të PD-së.
“Nuk mund të mbyllim sytë dhe të themi që lista është bërë në mënyrë transparente, kjo duket është evidente. Basha është marrë me garancitë për zgjedhjet, pasi ishim në situatën e kanabisit dhe kriminelëve. Opozita nuk ishte përgatitur të shkonte në zgjedhje më 25 qershor, kjo ishte e imponuar nga amerikanët. Unë them që emri i Patozit duhet të ishte në listë.
Ndërsa Topalli jo, ajo humbi në 2013 Shkodrën. Arben Imami ishte në Elbasan me gjithë investimet e bëra nga qeveria në atë qark, pati humbje të thellë. Këta persona bashkë me Rivan Boden janë simboli i humbësve të PD”, tha Rakipllari. (D.D/Shuplaka)
Discussion about this post