Kandidatja për deputete e PD-së në qarkun e Tiranës Grida Duma ka komentuar deklaratën e Jozefina Topallit kundër Bashës.
Ajo këtë qëndrim e ka parë si një vendim personal të Topallit dhe ka deklaruar se PD ka individualitet, që është karakteristikë e kësaj partie.
“Është vendim personal. PD ka individualitet dhe është karakteristike e kësaj partie. Duhet të bëjmë një analizë tjetër për PD. Është një parti e re ,në krahasim me PS dhe është nën kritika. Por për mua rrënjët i ka 100 e ca vjeçare, për sa i përket shtresave sociale”, ka thënë Duma.
Duke komentuar mospërfshirjen e Topallit në listë ajo ka thënë se Jozefina Topalli është njeri me kontribut të gjatë në PD dhe në politikë dhe nuk ka dyshim për kontributin e saj.
“Ka qenë një vendim i vështirë për lënien jashtë të Jozefina Topallit dhe nuk ka asnjë dyshim për kontributet e saj. Ka ardhur në ’96 kur disa prej ish themeluesve si Imami, ishin larguar. Pati mundësinë të kontribuonte në 22 vite. Ka shërbyer edhe në mbështetjen e zonjave. Pa mbështetjen e saj nuk do të kishte as unë në PD. Kontributi i saj është i madh, i gjatë, i përhershëm në politikës shqiptare. Por partitë nuk duhet t’i shërbejnë vetëm politikës por edhe shoqërisë. Rezultati ka të bëjë edhe me shoqërinë shqiptare”, u shpreh Duma në emisionin “Dritare” të Rudina Xhungës. (B.H/Shuplaka)
Discussion about this post