Çfarë mendon Grida Duma për Jozefina Topallin

Kandidatja për deputete e PD-së në qarkun e Tiranës Grida Duma ka deklaruar mbëmë se Jozefina Topalli është një njeri me kontribut të madh në PD.

 Sipas dumës vendimi për lënien jashtë liste të saj ka qenë i vështirë. Ajo ka shtuar se Jozefina Topalli ka ardhur në PD kur disa prej themeluesve kishin ikur.

“Ka qenë një vendim i vështirë për lënien jashtë të Jozefina Topallit dhe nuk ka asnjë dyshim për kontributet e saj. Ka ardhur në ’96 kur disa prej ish themeluesve si Imami, ishin larguar. Pati mundësinë të kontribuonte në 22 vite.  Kontributi i saj është i madh, i gjatë, i përhershëm në politikës shqiptare”, ka thënë Duma.

Ajo gjithashtu deklaroi se Jozefina Topalli ka shërbyer për mbështejen e zonjave në PD dhe pa mbështetjen e saj as vetë ajo nuk do të ishte pjesë e PD-së.

“Ka shërbyer edhe në mbështetjen e zonjave. Pa mbështetjen e saj nuk do të kishte as unë në PD”, është shprehur Grida Duma në emisionin “Dritare” të Rudina Xhungës.

Për sa u përket akuzave që Jozefina Topalli hedhi ndaj Bashës ajo tha se është një vendim individual dhe në PD ka indvidualitet.

“Është vendim personal. PD ka individualitet dhe është karakteristike e kësaj partie. Duhet të bëjmë një analizë tjetër për PD. Është një parti e re ,në krahasim me PS dhe është nën kritika. Por për mua rrënjët i ka 100 e ca vjeçare, për sa i përket shtresave sociale”, ka thënë Duma. (B.H/Shuplaka)