Ministri i Shëndetësisë, Arben Beqiri, ka pezulluar nga posti drejtoreshën e Qendrës Shëndetësore nr. 1 në Lushnje pas denoncimit në emisionin investigativ “Boom”. Ky emision paraqiti dëshminë e përdorimit të administratës publike (personelit të Qendrës Shëndetësore numër 1, Lushnje) në fushatën zgjedhore.
Pas pezullimit të saj nga detyra, mësohet se ministri ka zhvilluar një mbledhje urgjente ku ka thirrur të gjithë drejtorët e spitaleve rajonale dhe të Tiranës.
Kjo mbledhje është zhvilluar me qëllim risjelljen në vëmendje të respektimit të udhrit të Kryeministrit nr. 65, datë 12.05. 2017. Flitet se ministri ka kërkuar edhe ngritjen e një grupi pune për verifikimin e situatës në terren.
DEKLARATA E MINISTRISË SË SHËNDETËSISË
Ministria e Shëndetësisë, pasi ka ndjekur emisionin investigativ BOOM , në RTV Ora Neës që paraqet dëshminë e përdorimit të administratës publike (personelit të Qendrës Shëndetësore numër 1, në Lushnje) në fushatën zgjedhore, ka vendosur:
1- Pezullimin e drejtoreshës së Qendrës Shëndetësore numër 1, deri në sqarimin e plotë të situatës.
2- Ngritjen e një grupi pune për verifikimin e situatës në terren (përkatësisht në Qendrën Shëndetësore numër 1, Lushnje)
Marrë shkas nga kjo ngjarje Ministri i Shëndetësisë, z. Arben Beqiri ka thirrur sot në një mbledhje të gjithë drejtorët e spitaleve rajonale dhe të Tiranës për risjelljen në vëmendje të respektimit të urdhrit të Kryeministrit nr. 65, datë 12.05. 2017.
(XH.A/SHUPLAKA)
Discussion about this post