Ish-ministri i Drejtësisë Ylli Manjani ka komentuar lëvizjet e fundit të kryera nga ministrat teknikë ndaj drejtorëve të cilër përfshihen në ushatën zgjedhore.
“Drejtorët nuk bëjnë asnjë votë! Ata janë dordolecët që e trembin votën. Nuk kanë patur hajër asnjë parti me drejtorë! Nëse nuk e keni mësuar këtë mësojeni”,-shkruan Manjani.
Shkrimi i Manjanit:
Drejtorët në fushatë.
————
Gabim e ka PD që ndalon drejtorët e pushtetit të dalin në fushatë! Le të dalin sepse vetëm fushatë nuk bëjnë dot.
Kujt i bëjnë fushatë ata?! Njerëzve që ju kanë marrë shpirtin për një shërbim të thjeshtë? Po pse mo njerëzit janë budallenj dhe i duan fort drejtorët?!
Lërini more të bëjnë fushatë që të humbin vota! Duke i larguar nga fushata i bëhet mirë partisë që i vuri drejtorë. Prandaj se kuptoj këtë sjellje të PD-së.
Drejtorët nuk bëjnë asnjë votë! Ata janë dordolecët që e trembin votën. Nuk kanë patur hajër asnjë parti me drejtorë! Nëse nuk e keni mësuar këtë mësojeni!
Të mos hymë tek muhabetet e korrupsionit, se aty nuk mbarojmë dot as pas datës 25! Po edhe në këtë këndvështrim: lërini të kthejnë diçka nga ato që kanë marrë! Lërini se prap skanë për të marrë asnjë votë më shumë nga çfarë merr partia që përfaqësojnë!
Lërini të dalin edhe në media për fushatë se ngjajnë qesharakë! Qeshni kur ju thonë njerëzve “ma jepni votën që të rri drejtor”… hahahahahaha.
Nuk bëjnë asnjë votë, më besoni! Asnjë! Vetëm heqin vota!
Nëse i doni të mirën kundërshtarit politik, hiqini drejtorët nga fushata!
Shëndet!
(M.D/Shuplaka)
Discussion about this post