Analisti Mark Marku, ish-deputet i PD është shprehur sot në “Studio e Hapur” se Berisha ka qenë në dijeni të listave të PD. Sipas tij Basha nuk do t’i kishte hequr figurat që hoqi nga listat nëse Berisha nuk do të kishte qenë dakort.
“Unë mendoj se Berisha ishte në dijeni. Ai ka një marrëveshje me Bashën të bëjë lojën. Mendoj se Basha nuk do t’i kishte hequr nëse Berisha nuk do kishte qenë dakord.
Por nuk është aktivizuar sepse ka lënë ata të bëjnë lojën, ai vërtet i zbaton disa norma politike.
Berisha me Bashën kanë komunikim të mirë. Berisha një rol e ka, por normalisht jo rolin që ka pasur”,- tha Marku.
Marku po ashtu tha se është pozitiv fakti se në lista kryesojnë disa figura akademike si Valentina Duka në Korçë, Romeo Gurakuqi në Shkodër apo Oriola Pampuri në Tiranë.
(M.D/Shuplaka)
Discussion about this post