Sulmuesi i Kombëtares shqiptare, Bekim Balaj, do të mungojë në dy ndeshjet e fundit të Shqipërisë ndaj Luksenburgut dhe Izraelit.
Futbollisti i Terek Groznit ka pësuar një dëmtim që do ta mbajë jashtë miqësores me Luksemburgun dhe eliminatores së rëndësishme ndaj Izraelit që vendos shumë mbi fatin tonë në kualifikueset për Botërorin 2018.
Trajneri Gianni De Biasi nuk e ka shpallur ende listën e lojtarëve, edhe pse disa prej tyre kanë filluar stërvitjen në Tiranë.
Më 4 qershor, kuqezinjtë do të testojnë veten me Luksemburgun, para sfidës delikate kualifikuese të “Botërorit 2018”, të cilën do ta luajnë më 11 qershor, në stadiumin e Haifas, në Izrael.
Në formacion pritet të kthehet Ergys Kaçe, ndërsa nuk do të thirret Taulant Xhaka, I cili ka një konflikt me trajnerin De Biassi.
Pas 5 ndeshjesh në Grupin G, kombëtarja jonë mban vendin e katërt, me 6 pikë. (B.H/Shuplaka)
Discussion about this post