Me rastin e 1 qershorit, e njohur ndryshe si festa e fëmijëve, Lefter Koka, njëherazi kandidati kryesues në Qarkun e Durrësit për LSI, ka zgjedhur të jetë pranë fëmijëve jetim.
Nën ritimin e muzikës, lodrave shymëngjyrëshe dhe argëtimit fëminor, Koka, ka kaluar momente gazmore me fëmijët e Shoqatës së jetimëve në qarkun e Durrësit.
Koka ka sjellë në vëmendje një moment trishtues të njërit prej fëmijëve të Gjovalin Kadellit, Admirit, i cili kishte rrëfyer takimin me Papën gjatë kohës që i ati dërgjej i sëmurë në Itali, ndërsa vite më parë kishte humbur dhe nënën e tij.
“E keqja nuk ka fund, por forca për ta përballuar është ajo që u nevojitet. Ju bëhuni të forta për të përballuar vështirësitë me të cilën jeta ju ka përballur”,ka thënë Koka.
Mesazhi i këtij aktiviteti ishte për të rikthyer traditën e dikurshme, që çifte durrske shkonin pranë shtëpisë së Fëmijës për të marrë fëmijë në shtëpitë e tyre, për raste festash.
Për tu lehtësuar sado pak boshllëkun e mungesës së prindit për fëmijët. Pjesë e aktivitetit ishin rreth 150 fëmijë, ndërsa pranë shoqatës së jetimëve në Durrës janë të regjistruar rreth 1600 fëmijë nga 0 deri në 16 vjeç. (E.K/SHUPLAKA)
Discussion about this post