Pesë ditë pas mitingut të Partisë Demokratike ku shumë qytetarë u helmuan, Prokuroria e Tiranës është ende në pritjen e rezultateve të analizave të gjakut të 37 nga 140 personat e prekur.
Kampionët e gjakut janë dërguar në një laborator të specializuar në Gjermani dhe pritet që ato të përcaktojnë nëse helmimi ka ardhur nga ndonjë substancë helmuese apo lëndë kimike.
Kështu prokurorët duhet të presin derisa të vijnë analizat për të nisur hetimin e punës, ndërkohë që provat e para dhe dëshmitë e të helmuarve janë marrë që ditën e ngjarjes.
Dyshimet janë se ky helmim është nje tentativë për të penguar zhvillimin normal të aktivitetit elektoral. Për këtë arsye, prokurorët kanë sekuestruar prozhektorët që u përdorën për ndriçimin. Të cilët priten të analizohen në një moment të mëvonshëm. (D.D/Shuplaka)
Discussion about this post