Ded Ndreca godet sërish. Presidenti i Mamurrasit është gjithmonë në kërkim të vëmendjes së publikut. Pas deklaratës së fundit në sfidën e kaluar të Kombëtares në Itali se ishte i gatshëm të zbriste në fushë dhe të godiste gjyqtarin nëse ai favorizonte vendësit, dje ka ardhur një tjetër “bëmë” e Ndrecës.
Besojeni ose jo, presidenti i Mamurrasit po mendon ti zërë vendin Armand Dukës në krye të FSHF-së. “E kam vendosur, vitin tjetër do të kandidoj për postin e presidentit të Federatës.
Do të luftoj fort për të marrë atë post, pasi e njoh mirë futbollin dhe do të bëj më shumë se presidenti aktual. Mund të bëj surprizën, mos u habisni”, – është shprehur Ndreca në prononcimin e tij.
Presidenti mamurrzak ka një karrierë të pasur në futboll, ku ka luajtur për 33 vite. Ndërsa, së fundmi ka qenë kryebashkiak i Mamurrasit dhe aktualisht drejtor i një prej institucioneve të rëndësishme në Kurbin. Duket se këtë radhë, Ndreca është në kërkim të një sfide të re.
Discussion about this post