Kryeministri Edi Rama ka dalë për herë të parë kundër Lëzijes Socialiste për Integrim. Mbrëmjen e djeshme në intervisën e dhënë për “Opinion” Rama ka akuzuar partinë me të cilën qeverisi për 4 vite se nuk ka mbajtur asnjë përgjegjësi për gjërat që kanë shkuar keq.
Rama gjatë fjalës së tij ka theksuar se Ilir Meta ka ndarë pushtet dhe ka përfituar prej tij në fillim me PD dhe më pas me PS, por në fund ka drejtuar gishtin nga partia e madhe duke akuzuar se faji ishte i tyre.
“LSI kërkon ta mbajë një dorë në timon dhe dorën tjetër ta ketë të lirë të akuzojë sa herë vjen radha për të ndarë pushtetin duke akuzuar partinë e madhe”, ka deklaruar Rama.
Por duhet të sjellim në vëmendje që shprehjen e famshme tashmë që “makina nuk drejothet me dy timonë”, e ka përdorur për herë të parë ish-ministri i Brendshëm Saimir Tahiri. Gjatë fushatës që po zhvillon në zonën e Tiranës, Tahiri ka theksuar se makina nuk drejtohet me dy timonë, dhe ky një sulm ndaj LSI-së pasi PS është ende në koalicion me LSI-në.
Por menjëherë ka reaguar pas kësaj ngjarje edhe kreu aktual i LSI-së Petrit Vasili, Kejdi Mehmetaj dhe Lefter Koka, duke theksuar se LSI është forca e parë në 25 qershor.
Po kështu së fundmi kjo shprehje nga ana e socialistëve është theksuar nga Edi Rama. Mesa duket janë ashpërsuar tonet mes dy partive në koalicion vetëm pak javë para zhvillmit të procesit zgjedhor.
Po kështu gjatë fjalimeve të tij politike Rama ka theksuar se PS -së i duhet të jetë e vetme në qeveri dhe duhet të marrë 71 mandate më 25 qershor.
Edhe mëngjesin e sotëm Rama nuk ka ndalur përsëri sulmet kundër LSI-së. Kryeminsitri ka theksuar përsëri sot para shqiptarëve se Partia Socialiste ka edhe shumë për të humbur nëse nuk mban, pa të tjerë në prehër, timonin e reformave, një thumb ky për LSI-në.
“Edhe shumë më shumë mbetet ende për të bërë për Gjirokastrën. Po ka edhe shumë për të humbur, nëse #PartiaSocialiste nuk mban, pa të tjerë në prehër, timonin e reformave #PërGjirokastrënQëDuam#PërShqipërinëQëDuam me #Shtet#Punë#Mirëqenie”,është shprehet Rama.
(J.V/Shuplaka)
