Drejtori i Përgjithshëm i burgjeve Arjan Hoxha, i cili një ditë më parë nisi nga puna dhe ka kërkuar të heqë nga puna drejtorët e burgjeve se përse bëjnë fushatë, siç duket këtë rregull nuk e zbaton as vetë.
Kjo sepse në profilin e tij zyrtar në facebook, ka bërë share një postim të kandidatit të PD-së në Kukës, ku thuhet: “TROPOJA VOTON DJALIN E SAJ Z. Isuf Çelaj.”
Hoxha ka thirrur nesër të gjithë drejtorët e burgjeve në në mbledhje në orën 12:00, për t’i dhënë atyre direktivat që të mos bëjnë fushatë.
Arjan Hoxha është emëruar dje drejtor i Përgjithshëm i Burgjeve nga kryeministri Rama. Ky emërim vjen pas marrëveshjes së 18 majit mes Kryeministrit Rama dhe kreut të PD, Lulzim Basha. Arjan Hoxha njihet si efektivi që ka arrestuar babain e Sajmir Tahirit, Bashkim Tahirin të dyshuar për kontrabandë ilaçesh disa vite më parë.
Pasdite zyra e shtypit të Partisë Demokratike njoftoi mediat se ishte shkarkuar administratori i Postës Shqiptare, Majlind Lazimi për shkak të shkeljes së ligjit elektoral dhe presion ndaj punonjësve. Po ashtu nga detyra u shkarkua sot edhe drejtoresha e Shërbimit Kombëtar të Punësimit Tiranë Marisa Kacori. Ajo është shkarkuar me motivacionin e pjesëmarrjes në fushatën e Partisë Socialiste dhe përdorimin e administratës për fushatë.
Ndërkohë vetëm pak orë më parë, Ledina Mandia ka kallëzuar në Prokurori edhe drejtoren e postës në Berat Haris Ngjeqari.
Po Mandia cfarë do bëjë sot me kolegun e saj të burgjeve? A do të marrë sërish të njëtin vendim? Kujtojmë se drejtorët mund të marrin pjesë pasdite në takime po jo të bëjnë shfaqje publikese kë mbështesin. (D.D/Shuplaka)
