Kryetari i Lëvizjes Socialiste për Integrim, në takimin e sotëm elektoral në qytetin e Lushnjës, ka deklaruar se do ta shndërrojë qarkun e Fierit në kryeqytetin ekonomik të Shqipërisë. Ai ka prezantuar përpara qytetarëve të Lushnjës, planin e tij për të rritur ekonominë e vendit, përmes uljes së taksave.
“Për ata që kanë të ardhura deri në 350 milionë lekë të vjetra, taksa do jetë zero, për ata që i kanë deri në 100 mijë lekë të reja, do ta ketë deri në dy herë e gjysëm më të ulët, ata që kanë të ardhura mbi 200 milionë lekë do ta kenë 3 herë më të ulët taksën, vetëm kështu informaliteti nuk do të ekzistojë më. Ky është program ekonomik që ikën nga llafet. Pra japim ato përgjigje që kanë munguar këto vjeçarë. Ky program transformimi, jep ato përgjigje që kanë munguar vazhdimisht dhe bën shtetin mik të shqiptarëve , kësaj do i bëjmë shërbim deri në fund.
Bindja jonë ka ardhur nga mendimi më i mirë profesional. Kemi një program realist, konkret dhe që hap zhvillim. Me këtë plan i japim përgjigje konkrete intrigave konkrete. U hapim perspektiva të reja dhe jo çadra të vogla. Arrijmë ta transformojmë qarkun e Fierit në kryeqytetin ekonomik të Shqipërisë pasi qarku i Fierit i ka të gjitha mundësitë me planin ekonomik-shoqëror”, tha Vasili. (D.D/Shuplaka)
Discussion about this post