“Plot dhurata” Brunilda Paskali viziton shkollën speciale në Korçë, premton ndryshim (FOTO)

Kandidatja për deputete e LSI-së në qytetin e Korçës, Brunilda Paskali, ka zhvilluar sot një takim me prindërit e fëmijëve me aftësi të kufizuara.

Në të diskutim, prindërit e këtyre fëmijëve me nevoja të veçanta, kanë folur për problemet me të cilat hasen në përditshmërinë  e tyre dhe për shqetësime të ndryshme siç është aksesueshmëria, integrimi dhe ndryshimi i zërave në fondin për personat me aftësi të kufizuar.

Fëmijët autik kanë mungesë të theksuar të bazës materiale në shkollën speciale në Korçë, ndërsa pushteti lokal ka lënë jashtë çdo vëmendjeje këtë kategori.

Paskali e cila zhvilloi edhe një vizitë në ambjentet e shkollës speciale në lagjen 4 të qytetit, premtoi se në programin e LSI kjo kategori do të ketë një vëmendje të veçantë.

Ndër të tjera kandidatja e LSI-së ka theksuar se në mbledhjen e radhës së Këshillit bashkiak do të kërkohet nga këshilltarët e LSI ndryshimi i zërave në fond si dhe aksesueshmeria e personave me aftësi të kufizuar.

Në fund të takimit u shpërndanë edhe disa dhurata simbolike për fëmijët për t’iu rikthyer buzëqeshjen për disa momente. (D.D/Shuplaka)

[ngg_images source=”galleries” container_ids=”2030″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]