Ministria e Financave njofton sot se disa inspektorë tatimorë vendosin gjoba subjekteve duke u bazuar në përkatësi partiake.
Sipas ministrisë, inspektorë tatimorë u bëjnë presion subjekteve. Drejtoritë rajonale, bën thirrje ministria duhet të jenë profesionalë në zbatimin e ligjit.
Kur evidentohen raste të tilla njoftohet se do të merren masa ndëshkimore.
DEKLRATA E PLOTE:
Ministria e Financave, në kuadër të verifikimit të disa informacione, është njoftuar se inspektorë tatimorë po ushtrojnë presion përmes gjobave ndaj subjekteve tatimpaguese duke mbajtur ndaj tyre qëndrime selektive bazuar në përkatësinë e tyre partiake.
Veprime të tilla janë të patolerueshme. Ministria e Financave u kërkon Drejtorive Rajonale të Tatimeve si dhe inspektorëve tatimorë që të jenë profesional dhe korrekt në zbatimin e ligjit. Në të gjitha rastet kur do të evidentohen presione dhe shantazhe të tilla përmes gjobvënies ndaj biznesit, do të merren masa ndëshkimore bazuar në legjislacionin në fuqi.
Ministria e Financave u bën thirrje tatimpaguesve që për cdo rast kur ata do të ndjehen nën presione abuzive të motivuara politikisht, të denoncojnë menjëherë pranë nesh.
Ata jane të lutur që të na shkruajnë ose të na dërgojnë foto apo filmime në numrin 0676054545. (Whatsapp, Viber).
(M.D/Shuplaka)
