Analisti Andri Nurellari ka deklaruar se Partia Demokratike nuk e ka të rrezikuar vendin e dytë nga LSI-ja. Ai tha se edhe nëse mund të ketë pasur pikëpyetje para marrëveshjes, tani këto pikëpyetje nuk ekzistojnë, sipas tij PD dhe PS janë marrë vesh për t’i ulur peshën politike LSI-së. Megjithatë ai partinë demokratike nuk e shikon të ketë një rimëkëmbje të madhe, pavarësisht se afrimin e figurave të reja e konsideroi si diçka pozitive.
“partitë e mëdha janë marrë vesh për t’ja ulur peshën politike, Partinë Demokratike nuk e shoh që të ketë një rimëkëmbje të madhe, afrimin e figurave të reja, pavarësisht se më duket vonë. Megjithatë PD do e mbajë pozicionin si parti e dytë, LSI nuk e cënon dot”, ka thënë Nurellari.
Për sa i përket krijimit të qeverisë ai deklaroi se nuk është çudi që PS ta krijojë qeverinë me aleatë të vegjël, mund t’I mjaftojë vetëm PDIU.
“Nuk është çudi që PS të arrij të ta krijojë e vetme qeverinë, mund t’i mjaftojë PDIU, jam i bindur se PDIU I merr 4-5 mandate”, tha ai në studion e “News 24”.
Nurellari foli gjithashtu edhe për marrëveshjen. Ai tha se marrëveshja e mesnatës nuk është transparente dhe ka pikëpyetje. (B.H/Shuplaka)
