Në këtë muaj fushate mesa duket politikanët janë mobilizuar që në çdo mënyrë të kontaktojnë me elektoratin për zgjedhjet e 25 qershorit. Nuk janë të pakta spotet, apo edhe mesazhet publike që ata përcjellin çdo ditë për publikun.
Por kryeministri Edi Rama mund ta themi me plot gojë që nuk ndalet në asnjë moment së bëri fushatë. Së fundmi Partia Socialiste ka postuar një video ku një makinë policie ndjek një automjet që po ecen me shpejtësi dhe e ndalon.
Në këtë spot shfaqet Rama, i cili është në rolin e policit rrugor dhe zbret nga makina për të komunikuar me shoferin që mesa duket ka shkelur rregullat e qarkullimit rrugor.
Por ajo që na bie në sy është se Rama në këtë spot nget makinën e policisë, gjë që bie ndesh me një detaj që na ka treguar vetë kryeministri. Rama nuk drejton makinën pasi nuk ka patentë dhe gjithmonë ai shoqërohet nga një shofer ku lëviz me automjet.
Por në këtë spot në rolin e policit mesa duket Rama ka mësuar të marrë për disa metra makinën, duke bërë “të përpiktë” punën e policit rrugor.
Mos ndoshta kryeministri duhet ta kishte kursyer këtë detaj të drejtimit të makinës?! mesa duket nuk është kursyer dhe gjatë kominikimit me qytetarin Rama tregohet shumë konçiz dhe i prerë. “Këtë mos ma kërko, me këto gjoba bëjmë shkolla, spitale, kopshte”, shprehet Rama duke gjobitur qytetarin.
Madje Rama në fund të videos futet përsëri në makinë, po në anën e shoferit. (J.V/Shuplaka)
Discussion about this post