POLEMIKAT e Ramës, Nikollës e Mehmetajt, si e quan përfaqësuesi i Ministrisë së Arsimit PROVIMIN e maturës.
Ditën e djeshme mes polemikave u zhvillua provimi i parë për maturantët në të gjithë vendin. Testi i parë ishte ai i gjuhës së huaj që sipas përfaqësuesve të Ministrisë së Arsimit ka qenë një test model.
Në një reagim në rrjetet sociale Plarent Ndreca, sekretar në këtë Ministri është shprehur se zhvillimi i këtij testi tregoi profesionalizëm dhe integritet.
‘’Mirënjohje pa fund dhe falenderim i përzemërt për çdo anëtar të stafit të Ministrisë së Arsimit dhe të Sportit, për çdo drejtues të Drejtorive dhe Zyrave Arsimore, për policinë e shtetit dhe për Postën Shqiptare, që në koordinim perfekt, me profesionalizëm, integritet dhe ndjenjë të lartë përgjegjësie, realizuan sot një provim model të maturës shtetërore. Suksese në provimet e mbetura të maturës shtetërore!’’, shkruan Ndreca.
Nga ana tjetër kujtojmë se vetëm dje për provimet e maturës u shpreh edhe kryeministri Rama, ish-ministrja Lindita Nikolla por edhe nga deputetja e LSI-së, Kejdi Mehmetaj. Vetë Rama duke komentuar nga Berati u shpreh se ka pasur tentative për të publikuar para kohe modelin e fletës së votimit, po që u ndalua në kohë. Më tej informacione nuk dha.
Mehmetaj akuzoi Nikollën se në disa shkolla të kryeqytetit ka pasur presione ndaj nxënësve që të votojnë për PS-në, në shkëmbim të fshirjes së mungesave. E megjithatë provimi i djeshëm ka qenë ‘’model’’. (E.K/SHUPLAKA)
Discussion about this post