Analisti Artan Hoxha është shprehur se sipas marrëveshjes mes Ramës dhe Bashës pas zgjedhjeve të 25 qershorit nuk do të ketë më sulme të forta mes dy partive kundërshtare. Hoxha tha se më këtë rast nuk do të ketë as hakmarrje, kontestime, por do të ketë njëlloj bashkëpunimi mes tyre.
“Dalim te faktori i qetësisë së Ramës, ka një lloj bindje që nuk e humbet primatin e partisë së parë. Me gjasa Partia Socialiste më të dhënat e deri më sot e mban edhe numrin më të madh të votave, të paktën edhe nga historia e zgjedhjeve . Stekën për të t’u larguar nga politika e ka nëse nuk del parti e parë jo nëse nuk arrin të formojë qeverinë, apo të fitojë zgjedhjet. Qetësia e dytë është që edhe nëse do të jetë në opozitë ka lind një marrëveshje që qeveria dhe opozita e ardhshme do të jenë me ferr. Është dhënë një premtim që pas tyre zgjedhjeve nuk do të kemi atë sjellen tipike të shkuar, nuk do të ketë hakëmarrje, nuk do të ketë kontestime.”, u shpreh Artan Hoxha.
Teksa Hoxha po fliste kanë ndërhyrë edhe analistët e tjerë duke thënë se nuk do të ketë as pranga dhe nuk kanë munguar të qeshurat.
“Prangat u shkrinë në zjarr”, u shpreh Zheji. Më tej batutën e vazhdoi analisti Mark Marku i cili tha se “prangat shkuan për skrap”.
Sjellim në vëmendje që tema e prangave ka të bëjë me çështjen e Vettingut, që pritet që pas miratimit të këtij ligji i do të nisin hetime të shumta dhe do të luftohet korrupsioni. (J.V/Shuplaka)
Discussion about this post