1 TON drogë në portin e Durrësit, ishte fshehur në kamionin me kastraveca. Droga ishte e kamufluar brenda arkave që transportonin perimet. Operacioni mësohet se është finalizuar natën e djeshme.
Policia ka vënë në pranga shoferin maqedonas identiteti i të cilit nuk bëhet ende i ditur. Nuk dihet ende nëse ka persona të tjerë që kanë qenë pjesë në këtë rrjet trafiku.
Lënda narkotike dyshohet të jetë e llojit kanabis, ndërsa kishte si destinacion final Italinë. Ndërkaq janë identifikuar dy persona të tjerë të cilët dyshohet se kanë futur drogën në kamion.
Kujtojmë se pak kohë më parë nga porti i Durrësit drejt Italisë kaluan tetë ton drogë. Pas kësaj ngjarjeje ranë në prangat e policisë 18 doganierë në Durrës dhe Korçë.
(E.K/SHUPLAKA)
Discussion about this post